Audio:
65 Tèrra di Lunigiana
N’hajë vištë dë tèrrë
sparzë p’u munnë
da quannë so’ natë.
Zë so’ ‘mbriacatë chišt’uocchië
dë paiscë pëttatë,
ma qua so’ rëmaštë ‘ncantatë
e forzë štrijatë
pë quanta culurë
té’ matra natura.
‘Mpaštata ‘e surrisë
pëttata dë rosa
më parë na sposa
‘šta terra a verè.
Ddu’ sciumë pëscusë
zë štiénnënë a marë
e dall’acqua trasalë
na musëca arcana.
La gènta të parla
cu corë e surrišë
të canta na štoria,
të conta dë vita.
Caštiéllë ‘mpuštatë,
muséië allëštitë,
auciéllë chë cantënë
tra caštagnë adducitë.
Ohi gèntë mënitë,
mënitë a ‘uardà,
ca quištë è paésë
da Fata crijatë
e sëcurë truuàtë
la tanta spërata
Félicità.
1987
Ne ho viste di terre/ sparse per il mondo/ da quando son nato/Si sono ubriacati questi occhi/ di paesi dipinti/ ma qui son rimasto incantato/e forse stregato/ per quanti colori/ ha madre natura/ Impastata di sorrisi/ dipinta di rose/ mi sembra una sposa/ questa terra a vederla/ Due fiumi pescosi/ si stendono a mare/ e dall’acqua trasale/ una musica arcana/ La gente ti parla/ con cuore e sorriso/ ti canta una storia/ ti racconta la vita/ Castelli impostati/ musei allestiti/ uccelli che cantano/ tra castagni dolcissimi/ Oh gente venite/ venite a guardare/ che questo è paese/ da Fata creato/ e sicuro trovate/ la tanto sperata/ Felicità.
Visite: 2406